Рустем Владимирович РФ-тың «Гиппократ» қоғамдық орденінің (2013 ж.) және «Алтын дәрігер», «ҚР денсаулық сақтау ісінің үздігі» белгілерінің иегері. 2013 жылы «Еңбек сіңіргені үшін» мемлекеттік медалімен марапатталған. Қазақстан Республикасында хирургия бойынша диагностика және емдеудің республикалық стандарттарын әзірлеуге, сондай-ақ Алматы қ. 370 орындық жаңа «Жедел шұғыл медициналық жәрдем ауруханасын» ұйымдастыруға және ашуға сарапшы ретінде қатысқан.
Жалпы хирургия жағдайында құрсақ қуысы ағзалары мен кеуде қуысы ағзаларына жасалатын хирургиялық араласулардың толық спектрін, сондай-ақ операциялық араласулардың видеоэндоскопиялық техникасын жетік меңгерген. Еңбек өтілі барысында 5000-нан астам операциялық араласу жүргізген, олардың 90% – құрсақ қуысы ағзаларында (асқазан–ішек және билиарлық тракттің әртүрлі патологиялық жағдайлары, соның ішінде шамамен 200 асқазан резекциясы және 150 билиодигестивтік анастомоз, 2500-ден астам холецистэктомия, бауыр аурулары, алдыңғы құрсақ қабырғасы мен көкет жарықтары, кеуде қуысының хирургиялық патологиясы), 400-ден астам операцияны кеуде лимфа өзегіне, шамамен 400 видеоэндохирургиялық операция орындаған.
Білімі
Алма-Ата мемлекеттік медицина институты, «Хирургия» мамандығы бойынша интернатура.(1984)
/media/doctors/kadyrbaev-rustem.webp?_v=1)
